त्यांनी बोंब ठोकली,
दगड आजारी पडलाय !!
म्हणाले,
जो दगडाला शिवू शकेल
असाच डाॅक्टर पाहिजे...
तितक्यात ओपन कॅटगरीतला
एक डाॅक्टर पुढे आला,
त्याने दगडाला स्टेथोस्कोप लावून
ठोके ऐकले,
दगडाची थुंकी तपासली,
शी तपासली,
रक्त घेतलं, आणि ताप मोजत
दगडाच्या आजाराचं
निदान करून
औषधही दिलं...
दगडासोबत आता
दगडाचे भक्तही घेतात औषध
प्रसाद मानून,
पण डाॅक्टर म्हणाला,
प्रसाद नको, दक्षिणाच द्या.
डाॅक्टरला दगडाचरणी
मेरीट गहाण ठेवताना पाहिल
तेव्हा आरक्षण कोट्यातला डाॅक्टर
मंदिराच्या बाहेर
सुरक्षित अंतरावर
सदसदविवेकावर गर्व करीत
गालातल्या गालात हसत होता...
म्हणत होता,
बरं झालं
मी माणसांचाच डाॅक्टर झालो!!!
*राज असरोंडकर*
No comments:
Post a Comment